Спадчына: Лыскаўская царква Раства Багародзіцы
Панядзелак, 19 Чэрвень 2023 10:53
2023 г. — 90 гадоў з часу пабудовы царквы Раства Багародзіцы ў в. Лыскава (Пружанскі р-н; 1933), помніка архітэктуры стылю мадэрн
У цэнтры аграгарадка Лыскава Пружанскага раёна Брэсцкай вобласці знаходзіцца царква Раства Багародзіцы. Яе ўзнікненне звязана з наступнымі падзеямі. У 1628 г. у Лыскаве быў заснаваны ўніяцкі базіліянскі манастыр, а ў дакументах за 1689 г. упамінаецца праваслаўны жаночы Пакроўскі манастыр.
Пад 1859 г. згадваецца Лыскаўская праваслаўная царква, збудаваная ў 1725 г.
У 1892–1893 гг. яна была разабрана з прычыны састарэласці і адсутнасці сродкаў для рамонту, а царкоўны рыштунак перанесены ў былы
рымска-каталіцкі касцёл. У 1880 г. касцёл згарэў ад удару маланкі, а адбудоўваўся ўжо як праваслаўная царква замест старой Пакроўскай, якая да таго часу пачала парахнець. 11 снежня 1886 г. храм быў асвечаны ў імя Раства Прасвятой Багародзіцы.